CulturaCulturaMúsicaÚltima hora

A traxectoria musical e a vida de Magín Blanco plasmada no libro “O Camiño da luz”

A obra era presentada polo seu autor, Carlos Rego, no Centro Cultural Avenida da Rúa

 

Da man de Edicións Embora, o crítico ourensán Carlos Rego radiografía a historia do músico rues Magín Blanco con capítulos escritos dende a amizade pero tamén cunha voz crítica e unha perspectiva musical contextualizada polas diferentes etapas do músico. Dende os anos 80 ata o 2019.

Na tarde do 17 de xaneiro, a aula de informática do Centro Cultural Avenida da Rúa, acollía a presentación do libro Magín Blanco, O Camiño da Luz, unha obra literaria que inclúe un CD e que recolle o relato da existencia dun artista que respira música e que ten “unhas cualidades e un don especiais para facer cancións que non só son bonitas, senon que son capaces de emocionar e afectar ao oínte”, en palabras do autor que se achegaba ata A Rúa, para dar a coñecer aos veciños de Magín unha obra que contén pequenos refachos do seu periplo musica, facendo fincapé nas condicións nas que este músico valdeorrés, artista das palabras e das notas, crea e converte en marabillas poéticas de gran calado emocional as súas composicións.

 

O autor do libro Carlos Rego e o seu protagonista Magín Blanco trala presentación na Rúa.

 

A traxectoria musical de Magín Blanco comezou nos anos 80 co grupo Voyeur (un concerto na cidade de Ourense serviu a Rego como punto de partida do libtro), que máis tarde se transformou en La Rosa, formación da que foi líder indiscutible e coa que publicou varios discos entre 1988 e 1995. Desde o 2006, lanzou tres traballos en solitario e nos últimos anos foi abandonando o panorama discográfico dos adultos e do rock para centrarse na música infantil, con concertos e representacións cargadas de mensaxes para os máis pequenos.

O acto no que se proxectaron imaxes do músico nas diferentes etapas musicais, contou coa asistencia de amigos e veciños de Magín Blanco.

Fotos: Carlos G. Hervella

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close