Deportes

A Tres Lunas Race abre as inscricións da súa edición máis internacional

A proba ciclista organizada polo club valdeorrés celebrarase os días 30 e 31 de maio de 2020 cun formato "único"

 

Domingo 25 de agosto ás 22h. Será o momento en se abran as inscricións da V edición da Tres Lunas Race, a proba ciclista organizada polo club valdeorrés que se celebrará os días 30 e 31 de maio de 2020 presentando un “formato único”.

“Se o ano pasado consolidouse como unha proba competitiva, turística e exclusiva para os bikers  e acompañantes a nivel nacional, este ano cónstanos que dará un salto internacional”, aseguran dende o club que segue apostando pola “exclusividade” para poder ofrecer “a mellor atención e servizos tanto ao corredor como aos acompañantes, ademais de mostrar os encantos e o potencial desta comarca levando máis alá das nosas fronteiras tanto a Tres Lunas como a Valdeorras”, aseguran.

Con respecto a ese formato único, buscando a marca diferenciadora, a carreira dividirase en tres etapas cun total de 155 quilómetros. A primeira, en formato Iron Bike, sairá ás nove da mañá do 30 de maio cunha distancia de 85 km de navegación con tramos de enlace e tramos “sorpresa” cronometrados. A segunda (CRI) será unha contrarreloxo que sairá ese mesmo día ás sete da tarde sobre un circuíto XCO semiurbano á beira do río Sil, “coa orde de saída marcada polos postos de clasificación da primeira etapa”, puntualizan dende a organización. A terceira e última, reservada para o día 31, será unha maratón XC de 62 km que sairá ás dez da mañá. “Trátase dunha etapa 100% cronometrada polo Parque Natural da Serra da Enciña da Lastra con saída e meta en Quereño (Rubiá), a aldea onde comezou todo hai xa cinco anos”, din dende o Tres Lunas Valdeorras.

Arriscar navegando para ir máis tranquilos na crono, abrindo circuíto ou conservar navegando con cautela e dar o 100% na crono. O Tres Lunas pon as opcións na procura do “biker máis completo”.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close