Os Campionatos de Galicia de Probas Combinadas Absoluto e Sub23, o Campionato de clubs Sub14 e o Campionato de Galicia individual Sub23 tiñan como escenario nesta fin de semana as pistas barquenses de Calabagueiros, no Barco.
A competición deixaba resultados destacados para os atletas da zona no Campionato de clubs Sub14, no que se impoñía o Club Adas, así como rexistros de récord no caso de Marta Hermida no lanzamento de martelo, 51,81 metros, “mellor marca galega de todos os tempos da categoría Sub14, feita hoxe no Barco de Valdeorras, cunha moi coidada técnica”, tal e como destaca a Federación Galega de Atletismo.
Fotos: Carlos G. Hervella.
