Publicidade
Galerías de fotosOurenseÚltima hora

A trivesa Xiana Domínguez, entre as ponentes da mesa redonda “Mulleres do viño”, na Semana Vitivinícola de Galicia

Ademais da responsable da Adega Chao do Couso, tamén participaban Eduvigis González da Adega Dona Elisa e Ángeles Montero da de Val de Deva

No marco da II Semana Vitivinícola de Galicia, que se está a desenvolver dende o 5 de xuño en Ourense, incluíase unha mesa redonda adicada ás “Mulleres do viño: experiencias galegas”, que se celebraba na tarde do mércores 6 de xuño. Entre as participantes nesta actividade, presentada e moderada pola delegada territorial da Xunta en Ourense, Marisol Díaz Mouteira; estaba Xiana Domínguez Álvarez, responsable da adega trivesa Chao do Couso, pertencente á Denominación de Orixe Ribeira Sacra.

Xunto a ela, tamén interviñan na mesa redonda Ángeles Montero (Val de Deva) e Eduvigis González (Dona Elisa), ambas xerentes de adegas da D.O. Ribeiro.

Díaz Mouteira puxo en valor a contribución da muller na viticultura, un sector considerado tradicionalmente exclusivo dos homes, e indicou que nos últimos tempos a presenza feminina nas adegas está a medrar e cada vez as mulleres teñen máis protagonismo e máis poder decisorio na elaboración, xestión e comercialización dos viños.

A II Semana Vitivinícola de Galicia está organizada pola Estación de Viticultura e Enoloxía de Galicia (Evega) e pola Deputación de Ourense.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close