No día de hoxe, 25 de marzo, a Unidade Militar de Emerxencias realizou traballos de desinfección en centros residenciais da provincia de Ourense.
Durante toda a xornada, os 47 efectivos da UME desprazados polo Ministerio de Defensa á provincia de Ourense, dentro da Operación Balmis da loita contra o coronavirus, fixeron labores de desinfección en residencias da terceira idade nos concellos de Barbadás, O Carballiño, Leiro, Verín e O Barco de Valdeorras, puntos considerados especialmente sensibles.