Hai tres meses Alberto Vázquez Corzo (A.V. Corzo), veciño do Barco, publicaba La ira del cerval (Editorial Adarve), un thriller nacido en Valdeorras que mestura intriga, amor e lendas na Galicia profunda. Entre lendas e feitos reais se suceden as páxinas desta novela na que o seu autor xoga coa intriga e unha trepidante narración para levar ao lector, xunto co protagonista, ao límite da súa resistencia na busca da solución ao enigma.
É un libro nacido en tempos de pandemia e, por tanto, sen as habituais presentacións e presenza en feiras, por iso o seu autor decidía celebrar dun xeito especial o Día do Libro que se conmemora neste 23 de abril.
“Hoxe levanteime algo melancólico. Fáltanme as feiras, os libros nos postos e o movemento de xente buscando unha nova aventura”, asegura Alberto, explicando que para celebrar este extraño Día do Libro “afastado dos lectores e sumándome a outros autores en moitos lugares do planeta”, deixou un exemplar de La ira del Cerval nun banco do Barco de Valdeorras “para quen o atope”. Unha bonita forma de manterse “cerca” dos lectores.
