En portadaÚltima hora

A V Mascarada Ibérica de Viana e Vilariño xa ten data

Celebrarase os días 26 e 27 de xaneiro e reunirá a numerosas festas de inverno galegas, pero tamén doutros puntos da península
Cartel da V Mascarada Ibérica de Viana e Vilariño que vén de facer público a organización.

Na derradeira fin de semana de xaneiro terá lugar a quinta edición da Mascarada Ibérica de Viana do Bolo e Vilariño de Conso, tal e como vén de facer público a súa organización a través das redes sociais. O programa deste encontro, que pretende reunir a un gran número de festas de inverno galegas e doutros puntos da península ibérica, comezará ás 14:30h. do 26 de xaneiro en Viana do Bolo, cun desfile que concluirá na praza.

Ao día seguinte, 27 de xaneiro, o escenario deste desfile de máscaras será Vilariño de Conso. Entre os participantes non faltarán folións da parte oriental da provincia como os de Viana e Vilariño, así como os de Manzaneda ou Buxán (O Bolo), entre outras celebracións de inverno relacionadas coa máscara.

Esta Mascarada será organizada polos Concellos de Viana e Vilariño, pola Asociación Xuntos polo Folión de Vilariño, así como polo grupo do traballo do Entroido de Viana do Bolo, contando coa colaboración doutras entidades.

 

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close