EconomíaEconomíaEn portadaGalerías de fotosÚltima hora

A “V Noite Branca” acende o comercio e a hostalaría barquense ao ritmo de charangas e degustacións

Unha trintena de establecementos de comercio e hostalaría sumábanse a esta exitosa edición

Na tarde-noite do 23 de xuño O Barco era unha festa. A V Noite Branca, organizada polo Centro Comercial Aberto, enchía do intenso ritmo das charangas Támega e Mekánika cada recuncho da vila e tamén do son tradicional dos Bertolini de Manzaneda. A música era o anuncio de catro horas, de oito a medianoite, nas que o comercio prolongaba o seu horario habitual ofrecendo descontos de ata un 20%, ademais de deliciosas e variadas e deliciosas degustacións que ían dende froita, variados doces e mesmo gominolas ata empanada e tortillas, acompañadas de bebidas refrescantes como a sangría, ideais dadas as altas temperaturas da xornada.

Numerosas persoas visitaban os 30 establecementos participantes nesta edición para probar e mercar diversos artigos. Tamén a hostalaría se sumaba á cita, así no Restaurante Piquiño, no Vinum, Divino Paseo, A Larpeira e A Malteria ofrecíanse degustacións de “pincho especial Noite Branca”.

Outra das propostas era a exhibición de zumba que ofrecían as alumnas das Escolas Municipais de Deportes do Barco na praza Andrés de Prada (máis información e fotos https://www.osil.info/a-zumba-envolve-a-noite-branca-do-barco/). A música non deixaba de soar ata a medianoite nunha festa do comercio con numerosa participación.

Fotos: Carlos G. Hervella/ A.R.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close