Loitar contra o despoboamento e incrementar a súa poboación. É un dos obxectivos que se marca o Concello da Veiga e que ten o seu reflexo nos seus orzamentos municipais. A idea é “asentar ou atraer poboación nova para evitar o despoboamento que sufre nos últimos anos”, indican o seu alcalde, Juan Anta. De aí que como unha das medidas a tomar nesa liña o “Concello aprobou en pleno dentro dos seus orzamentos municipais para o ano 2015 axudas á natalidade, tanto por nacemento como por adopción, por importe de ata 2.000 euros”, continúa o rexedor.
Así o réxime de pagamento da axuda acordado será a seguinte: á data de inscrición padroal do nacido 500 euros, ao primeiro ano de residencia efectiva no termo municipal da Veiga 500 euros, ao segundo ano de residencia efectiva 500 euros e ao terceiro ano de residencia outros 500 euros.
Pode obterse máis información sobre esta liña de axudas contactando co Servizo Social do Concello da Veiga no teléfono 988 350000.