Dúas semanas despois da devastación deixada polas chamas na Veiga de Cascallá, esta localidade de Rubiá vén de resultar agora afectada por unha forte tormenta que descargaba nesta tarde e que arrastraba os restos do incendio, con desprendementos que cortaba o acceso dende Veiga ao Castelo e ao Barrio, tamén no municipio de Rubiá.
“O outro día afougounos o lume e o fume e agora afóganos a auga e a tormenta que veu, isto é impresionante”, comenta un dos veciños desta localidade.
Nestes vídeos, cedidos pola veciñanza e cuxa cesión agradecemos, pode comprobarse os efectos e danos causados por esta treboada.