Dous serán os actos centrais cos que se celebrará o vindeiro 9 de marzo no Concello da Veiga o Día Internacional da Muller Traballadora. O primeiro deles terá lugar ás once da mañá. Procederase a dar lectura a un “manifesto en favor da igualdade de oportunidades”. Ademais, as mulleres veiguesas “deixarán a súa pegada no chan xunto cunha frase na praza do Toural como símbolo de unidade”, tal e como se adianta dende o Concello da Veiga.
Despois, ás 12h. os participantes nestes actos dirixirán os seus pasos cara o Paseo do Encoro. Alí renderase unha homenaxe ás mulleres galegas que deixaron a súa pegada na historia mediante a plantación do “Bosque das Marías” nese mesmo lugar. Con esta denominación pretende reunirse os nomes femininos que constitúen unha referencia na historia galega: María Pita, María Gómez “Maruja Mayo”, María Castaña, María Quiroga, María Corredoira, etc.