ConcellosÚltima hora

A Veiga, primeiro premio nos galardóns á Dinamización Demográfica 2019

O Concello de Parada de Sil recibía tamén o segundo premio destes recoñecementos

Os proxectos postos en marcha na Veiga “conseguiron non só traer de volta a varios veigueses, senón tamén atraer novos veciños”, aseguraba o presidente da Xunta de Galicia, Alberto Núñez, na entrega de galardóns dos Premios á Dinamización Demográfica 2019, que veñen de entregarse nesta mañá en Crecente (Pontevedra).

O Concello da Veiga facíase co primeiro premio destas distincións, que era recollido polo seu alcalde, Juan Anta. “Estamos a falar dunha aposta decidida polo emprego, a rehabilitación, o turismo e o benestar social”, dicía Feijóo, referíndose á posta en marcha dun viveiro empresarial a disposición dos veciños interesados en emprender no sector agrario; á posta en valor de produtos da zona como o mel, as fabas e os cogomelos das Montañas de Trevinca ou o fomento da plantación de novos soutos.

 

 

O presidente da Xunta salientou, ademais, a rehabilitación de vivendas baleiras en desuso e de antigas casas-escola para alugueiro. Para potenciar o turismo, recordou que o Concello conta, desde 2015, coa certificación como destino turístico Starlight pola excelente calidade do ceo e, desde 2017, co Centro de visitantes da zona especial conservación Pena Trevinca; e, no eido do benestar social, resaltou as axudas á natalidade e ao transporte, así como os programas de conciliación e actividades de envellecemento activo.

O segundo premio recaía no Concello de Parada de Sil, que preside Aquilino Domínguez. Neste senso, Feijóo valorou dúas iniciativas: unha destinada a fomentar o asentamento de novas familias e de xente nova, a través da rehabilitación dun grupo de casas en ruínas no núcleo de Fondevila para comezar cinco vivendas unifamiliares. E outra, para impulsar a conciliación laboral e familiar, coa reforma dunha antiga construción para albergar un espazo de coidado e casa de lecer para nenos menores de 10 anos en períodos vacacionais, así como na época escolar para os nenos en idade previa á escolarización obrigatoria.

O terceir premiado era o concello lucense de Cervo, do que se valoraron as súas iniciativas para fomentar o asentamento das familias no concello, como: a rehabilitación de inmobles para crear espazos de traballo destinados aos novos emprendedores; ou a organización de encontros de dinamización empresarial que fomentan o espírito emprendedor entre a mocidade, como o programa Revívate, dirixido aos mozos de Sargadelos.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close