ConcellosÚltima hora

A Veiga súmase á iniciativa “Estrela Cervantes”

Os alumnos e os ponentes do I Curso de Monitores Starlight Trevinca apoian este proxecto promovido pola Sociedade Española de Astronomía e polo Planetario de Pamplona
Alumnos e docentes do I Curso de Monitores Starlight Trevinca./ Foto: Concello da Veiga.
Alumnos e docentes do I Curso de Monitores Starlight Trevinca./ Foto: Concello da Veiga.

Cunha ponencia centrada nunha análise DAFO, elaborada e guiada por Antonia Varela, concluía o I Curso de Monitores Starlight Trevinca, que se desenvolvía entre o 28 de setembro e o 3 de outubro na Veiga. Esta acción formativa, que incluía unha parte teórica e outra práctica, contaba cuns 30 participantes, boa parte deles hostaleiros veigueses.

Os participantes neste curso sumábanse á iniciativa "Estrela Cervantes"./ Foto: Concello da Veiga.
Os participantes neste curso sumábanse á iniciativa “Estrela Cervantes”./ Foto: Concello da Veiga.

Durante este curso os seus alumnos e ponentes uníanse á inicativa “Estrela Cervantes”, promovida pola Sociedade Española de Astronomía e polo Planetario de Pamplona e que conta co apoio do Instituto Cervantes. Xurde no marco dun concurso mundial da Unión Astronómica Internacional para votar cómo denominar a 20 novos sistemas planetarios descubertos nos últimos anos. A comunidade astronómica española puxo a súa mirada na etrela Arae e nos catro planetas que a orbitan e a súa proposta consiste en chamar Cervantes á estrela e Quixote, Rocinante, Sancho e Dulcinea aos planetas.

A votación está aberta ata o vindeiro 31 de outubro e con esta proposta de Estrela Cervantes compiten outras seis propostas de diferentes países.

Máis información sobre o concurso mundial:
www.estrelacervantes.es

Máis información na edición en papel do Periódico O Sil

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close