Un ano máis e xa van seis, o Restaurante Hotel Coia acollerá o vindeiro 7 de marzo a Festa do Botelo do Barco en Vigo, contando entre os asistentes co alcalde de Vigo, Abel Caballero e a presidenta da Deputación de Pontevedra Carmela Silva, ademais do alcalde do Barco Alfredo García e a concelleira de Cultura Margarida Pizcueta, así como veciños de Valdeorras que non perden unha edición.
O menú, que se mantén nos 28 euros, incluirá empanada de maravallas, sopa de cocido, botelo e chourizos con repolo e cachelos, ademais de torta de roxóns e bica, na sobremesa. Para beber viños da Denominación de Orixe Valdeorras ou auga, café e augardentes.
Máis información e reservas no teléfono: 986 201 820.
