CulturaCulturaÚltima hora

A Via Nova romana centrará o número 15 da revista “Lethes”

Esta será unha das publicacións que se editarán no marco dun acordo que vén de asinarse entre a Asociación do Museo Etnolóxico da Limia, o Centro de Cultura Popular do Limia e a Deputación de Ourense

Tramo restaurado da Via Nova ao seu paso polo municipio de Rubiá./ Foto: Carlos G. Hervella.

 

Novo paso para potenciar a investigación e a difusión da historia e da cultura da Limia. O presidente da Deputación de Ourense, Manuel Baltar, vén de asinar un acordo con Delfín Caseiro, presidente da Asociación do Museo Etnolóxico da Limia, e con Manuel Seoane, presidente do Centro de Cultura Popular do Limia, para a publicación da revista Lethes. Cadernos culturais do Limia, durante os vindeiros catro anos, e a dixitalización biográfica da biblioteca da Limia do Museo da Limia.

As primeiras publicacións amparadas por este acordo serán A Reina Loba (lenda), de Manuel Seoane, e o número 15 da revista Lethes. Cadernos culturais do Limia, que dedicará boa parte do seu contido ao coñecemento e promoción da Vía XVIII, Vía Nova, que unía as antigas urbes romanas de Braga e Astorga, entrando en Galicia por Valdeorras e atravesando boa parte da provincia, a fin de facer desta calzada un motor de dinamización social, cultural, fraternal e económica do territorio.

 

Un dos momentos da sinatura da convenio.

 

Segundo o convenio asinado, a Deputación asume a impresión de 300 exemplares da publicación anual Lethes. Cadernos culturais do Limia e doutros 300 exemplares dunha publicación anual monográfica relacionada coa Limia, así como o deseño e programación dun catálogo dixital sobre os autores da comarca da Limia, integrada na web do Museo da Limia.

O Centro de Cultura Popular do Limia e o Padroado do Museo da Limia asumen os traballos de edición da publicación da revista e do monográfico, e farán constar a colaboración da Deputación na portada da publicación antedita, así como nas páxinas webs e redes sociais nas que se difunda a publicación Lethes e a obra dos autores na biblioteca da Limia.

Lethes. Cadernos culturais do Limia este ano celebra o 20º aniversario, que se verá complementado cunha publicación monográfica, para afianzar a promoción cultural das terras limiás, ademais de facilitar a dixitalización da biblioteca da Limia, para dar valorizar aos creadores do territorio e a súa obra.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close