DeportesGalerías de fotosÚltima hora

A VIII Andaina Popular do Nadal da Rúa estivo marcada pola chuvia e a solidariedade

A participación viuse menguada polo mal tempo sendo preto de 40 os andarines

 

A chuvia e un lixeiro vento, restos da borrasca Fabien que atravesou a comarca de Valdeorras nesta fin de semana, foi unha das protagonistas da VIII edición da Carreira e Andaina Popular do Nadal 1 kg solidario que se celebraba na mañá do 22 de decembro na Rúa.

O mal tempo fixo minguar a participación na andaina, a primeira das probas, sendo 35 os andarines que en torno ás once da mañá comezaban o percorrido duns 5 quilómetros (acurtado pola organización precisamente pola chuvia).

O que non diminuíu, senón que máis ben aumentou foi a colaboración con máis de 200 quilos de comida non perecedoira, recollida durante a entrega de dorsais na Cantina da Estación de Autobuses, aberta para a ocasión. De feito, dende a organización aseguran que foi moita a xente que levou comida sen participar en ningunha das dúas probas.

 

Protección Civil e Policía Local da Rúa na Carreira e Andaina Popular do Nadal. /Foto cedida.

 

Esta edición da carreira e andaina foi máis solidaria e reivindicativa que nunca xa que na liña de saída os participantes levaban unha pancarta contra a violencia machista.

Máis información e fotos no seguinte enlace: https://www.osil.info/alberto-asensio-adas-imponse-na-carreira-do-nadal-da-rua/

Fotos: Carlos G. Hervella excepto as cinco últimas que son cedidas por Protección Civil da Rúa.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close