Nesta competición o seu equipo, a Sociedade Ximnástica de Pontevedra, lograba a terceira posición por clubs con 121 puntos
Cun moi bo resultado saldaba Eva Arias Aira, natural San Miguel de Outeiro (Vilamartín de Valdeorras), a súa participación no XXXI Campionato de Galicia de Clubs feminino de atletismo, celebrado o 27 de abril en Ferrol.
Esta atleta, que viste as cores da Sociedade Ximnástida de Pontevedra, vencía na proba dos 3.000 m obstáculos cunha marca de 11:05.15. Nesta mesma competición Iria Fernández Fontenla (Club Adas do Barco) era cuarta cunha marca de 12:04.39
Ademais, por clubs a Sociedade Ximnástica de Pontevedra quedaba terceiro na clasificación con 121 puntos, mentres que o Adas era quinto con 92 puntos.
Fotos cedidas.
