A visita do xurado do I Concurso de Maridaxe, broche das XX Xornadas Gastronómicas do Barco

Os cinco membros do xurado percorrerán os oito establecementos participantes no certame a partires das 13h. do 9 de marco

Brancos de Valdeorras, acompañando a un prato./ Foto: Carlos G. Hervella.

O xurado designado para decidir aos ganadores do I Concurso de Maridaxe e valorar as propostas ofrecidas
durante as XX Xornadas Gastronómicas do Entroido do Barco (que comezaban o 28 de febreiro) visitará o 9 de marzo os oito establecementos participantes no certame con seguintes horarios, segundo a organización:

De 13:00 h a 13:25 h. – Pazo do Castro
De 13:35 h a 14:00 h. – Casa Galaica
De 14:05 h a 14:30 h. – Cociña do Lar
De 14:35 h a 15:00 h. – Cafetería Restaurante
De 20:00 h. a 20:25 h. – Il Piacere
De 20:35 h. a 21:00 h. – Chanfainas
De 21:10 h. a 21:35 h. – Piquiño
De 21:40 h. a 22:05 h. – La Querida

Este xurado está formado por: Mercedes González (sumiller, Gxerente Asesoría Gastronómica MEmbajadora, cirectora Técnica revista “Vinos y Cultura” e presidenta de “Vitislucus”), María Bueno Seguín (xornalista de “Galicia en Vinos”), Carmen Fernández (Representante para Galicia da Asociación Española de Periodistas e Escritores do Viño), Jesús Rodriguez Carreiras (IES Sanxillao) e José Luis Casas Vallés (sumiller e membro do Comité de Cata do CRDO Valdeorras). Cada un deles degustarán o primeiro prato do menú co viño proposto polo restaurante para maridar.

Os dous restaurantes que resulten galardoados no certame de maridaxe con branto e tinto da D.O. recibirán un trofeo, un diploma e unha caixa do viño ganador da maridaxe. Tamén o público poderá votar á mellor maridaxe e entre os que o fagan haberá sorteos.

Este I Concurso de Maridaxe está organizado por AEVA e pola Asociación Centro Comercial Aberto O Barco en colaboración co CRDO Valdeorras, a Asociación Ruta do Viño de Valdeorras e o Concello do Barco.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies