Publicidade
ConcellosEn portadaÚltima horaViana do Bolo

A web comproenviana.com comeza a funcionar con 87 comercios do municipio

Este proxecto, que aposta polo comercio electrónico, presentarase este xoves ás 20h. na Casa da Cultura

Cristina Fernández, creadora da páxina xunto a Jason, co alcalde de Viana, Secundino Fernández./ Foto cedida.

 

“Consideramos un éxito o resultado desta iniciativa comercial. Iniciativa a que se adheriron ate este momento 87 establecementos comerciais de Viana do Bolo. Poderán incluso adherirse mais no futuro, xa que a páxina ten unha vocación dinámica”, destacan dende o Concello de Viana do Bolo, promotor da web comproenviana.com, unha proposta de Cristina Fernández e de Jason Heaver xurdida no marco da crise do Covid-19.

Este escaparate virtual do comercio vianés presentarase mañá xoves nun acto previsto ás 20h. na Casa da Cultura de Viana. “Esta iniciativa é de balde para todas as as empresas e negocios que teñan establecemento ou desenrolen a súa actividade comercial en Viana do Bolo”, asegura o alcalde, Secundino Fernández, quen tamén indica que “queremos que esta web sirva de referencia aos consumidores tanto de Viana do Bolo e da súa comarca, como aos visitantes ou como non, facelo universal a traveso da rede”.

Con esta iniciativa, o Concello de Viana pretende “pór o noso gran de area para revitalizar a economía da zona, despois do desastroso impacto económico da pandemia do coronavirus. Agora más que nunca tense que apoiar o comercio local. A páxina web será un escaparate da oferta comercial de Viana, polo que se converterá nun elemento de comunicación moi importante. As ferramentas informáticas son un instrumento útil na xestión e difusión de información”.

 

 

A presentación desta nova páxina web contará coa presenza do alcalde, Secundino Fernández Fernández, e dos seus creadores. Ademais están convidados os negocios participantes e a veciñanza.

“Lembramos que debido a pandemia do coronavirus é necesario ir con máscara e gardar as medidas de protección e distanciamento social. Tamén lembramos que o aforo é moi limitado polo que pedimos puntualidade”, indican dende o Concello de Viana.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close