Galerías de fotosOurenseÚltima hora

A X “Festa da Palabra” homenaxea ao poeta ourensán Víctor Campio Pereira

No acto, celebrado na Ínsua dos Poetas (O Carballiño), tivo lugar o develamento da escultura “Caste” de Luís González Tosar

A décima edición da “Festa da Palabra” celebrada esta de semana na Insua dos Poetas, no Carballiño, rendeu homenaxe ao poeta ourensán Víctor Campio Pereira no seu 90 aniversario, falecido o pasado día 24 de xullo.

“Esta décima edición consolida a “Festa da Palabra” como a cita máis importante do verán cultural non só de Ourense, senón de toda Galicia”, sinalou no acto o presidente da Fundación Insua dos Poetas, Luís González Tosar quen explicou que na Insua dos Poetas están xa instalados dez grandes das letras galegas: Rosalía de Castro, Manuel Curros Enríquez, Eduardo Pondal, Celso Emilio Ferreiro, Xosé María Díaz Castro, Eduardo Blanco Amor, Francisco Luis Bernárdez, Dora e Pura Vázquez, Carlos Casares. E dende o sábado incorpórase “o poeta Víctor Campio Pereira incorpórase á nómina das voces que aquí respiran aire de liberdade, que alumean coa luz do seu espírito e que ofrecen un canto solidario, a verba que Víctor Campio comparte con Curros Enríquez, con Celso Emilio Ferreiro, con Eduardo Blanco Amor, con Pura Vázquez e, no próximo 2019, con Antón Tovar”, dixo o presidente da Deputación Manuel Baltar.

No acto, no que actuou como mantedor o escritor ourensán Xosé Luís Méndez Ferrín, tivo lugar a entrega dos premios “Insua dos Poetas” 2018 nas súas sete categorías. Nesta ocasión, o premio á categoría Medios de Comunicación foi para Cablevisión do Carballiño; o premio á Defensa e Conservación do Medio Ambiente” recaeu na Plataforma Mina de Touro – O Pino; o premio de Artes Plásticas foi para o artista e comunicador Siro López; o premio “Insua dos Poetas” 2018 á Emigración foi para Beatriz Carballo Regueira, actual secretaria da Asociación Hijos de Zas en Bos Aires. Na categoría de Iniciativa Empresarial a prol da cultura, o premio foi para o presidente de Viña Costeira Adega, Andrés Rodríguez. O premio á categoría de Acción Social foi, nesta edición, para o presidente da Fundación San Rosendo, Benigno Moure; e por último, o premio “Insua dos Poetas” 2018 na categoría de creación literaria foi para o escritor Bieito Iglesias.

Na festa tamén tivo lugar o develamento da peza escultórica “Caste” do tamén poeta, Luís González Tosar. “Trátase dunha peza simbólica da obra poética de Víctor Campio Pereira, na que se conxuga a expresión máis telúrica a través da deconstrución dunha roda de carro do país, elevada a unha escala de tres metros de diámetro, e elaborado cos mesmos materiais tradicionais: ferro forxado e con madeira de carballo do país, en diálogo co figurativo do home; a representación que coroa a estrutura, simbólico da forza da palabra”, en palabras do autor.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close