Publicidade
EconomíaEconomíaEn portadaGalerías de fotosÚltima hora

A X Ruta de Pinchos “O Barco vai de viños” ponse en marcha

Desenvolverase do 9 ao 19 de xaneiro e contará nesta edición con 23 establecementos participantes

 

Con ata 23 establecementos, distribuídos en tres zonas diferentes, que levan o nome doutras tantas variedades de uva valdeorresas, contará a décima edición da Ruta de Pinchos “O Barco vai de viños”, que se celebrará do 9 ao 19 de xaneiro nesta vila.

Así o anunciaba a presidenta do Barco Centro Comercial Aberto (CCA), Sandra Moldes, durante a presentación desta ruta gastronómica na mañá do 8 de xaneiro na Praza de Abastos do Barco. Ademais explicaba a mecánica desta edición, na que novamente, os “pinchos estrela” terá un custe idéntico de 1,70 euros en cada un dos locais participantes. Para achegar ao público a ruta editouse “un mapa onde aparecen as tres zonas (mencía, godello e dona branca), cos establecementos que hai en cada unha delas, a súa localización, tipo de petisco, horarios nos que se sirven, así como os días de peche do local, no caso de habelos”, engadía Moldes.

Ademais o público terá a oportunidade de votar ao seu petisco predilecto a través duns boletos que estarán nos establecementos e que tamén poderá ir selando en cada un dos locais. Deste xeito terá a posibilidade de entrar nun sorteo de catro ceas para catro parellas (sempre é cando teña un mínino de cinco selos e, cando menos, un por cada unha das tres zonas). Os boletos terán que depositarse ata o 21 de xaneiro en calquera das urnas dos locais da ruta e o sorte celebrarase o 27 de xaneiro. Nesta edición, as catro ceas do sorteo serán patrocinadas por Distribuciones Anger Valdeorras, SL.; Bodegas D’Berna, Distribuciones Roca e Exclusivas Morales, segundo matizaba Sandra Moldes.

 

 

Os dous últimos días desta ruta faranse coincidir novamente coa Festa do Botelo do Barco na fin de semana do 18 e 19 de xaneiro, na que sete restaurantes barquenses (algúns dos cales tamén participan na ruta) contarán con este emblemático produto valdeorrés nos seus menús: Tapería Al Natural, Pulpería El Dorado, Restaurante Fernando III, Casa Galaica, Piquiño Restaurante, Casa Lameiro e La Gran Tortuga (este só o 18 de xaneiro), segundo explicaba Sandra Moldes, que tamén agradecía a implicación do Concello do Barco nesta iniciativa promovida polo CCA e pola Asociación de Empresarios de Valdeorras (AEVA).

 

 

O acto, que contaba coa asistencia da presidenta de AEVA, Araceli Fernández, así como dunha parte hostaleiros participantes, do alcalde do Barco, Alfredo García; e da concelleira de Turismo, Irene Dacal. Alfredo García agradeceu “o esforzo” dos hosteleiros para desenvolver esta ruta, “á selección está a vista”, dicía sinalando os petiscos que se servirán a partir de mañá nos establecementos, “parabéns polo voso traballo. Esta iniciativa é unha boa forma de dinamizar xaneiro, un mes que tradicionalmente era malo para a hostalaría, e deste xeito hai unha escusa para que a xente saia á rúa”. Pola súa banda, a edil de Turismo, daba tamén ás grazas ao sector polo seu labor.

Boa parte dos petiscos desta X Ruta de Pinchos do Barco estarán expostos na Praza de Abastos ao longo desta mañá de 8 de xaneiro.

Fotos: Carlos G. Hervella.

Zonas da X Ruta “O Barco vai de Viños”

 

 

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close