DeportesÚltima hora

A XI andaina nocturna Os Mouchos celebrarase o 27 de xullo, no Barco

A ruta é duns 12 km e a saída está prevista para as 23 horas na praza do Concello
Participantes na anterior edición da andaina nocturna./ Foto: Mónica G. Bellver.

Pechando o mes, o venres 27 de xullo, os afeccionados ao sendeirismo terán unha nova cita no Barco de Valdeorras. Para esa noite esta programada a XI andaina nocturna Os Mouchos organizada polo Club Peña Trevinca Barco en colaboración co Concello.

A partir das 22h. os participantes comezarán a concentrarse na porta do edificio multiusos do Concello para confirmar a participación. A saída está prevista para as 23h. e a partir de aí os camiñantes afrontarán un percorrido duns 12 km durante a cal haberá avituallamento.

A inscrición, gratuíta pero obrigatoria, poderá realizarse ata o xoves 26 de xullo cubrindo o formulario que aparece na páxina web do club (www.clubtrevincabarco.org) ou nas tendas habilitadas (Tri-Sport, Bicis Chapi, Mapfre San Mauro e Décimas).

Tal como explican dende a organización, cada participante deberá levar chaleco reflectante e a súa lanterna, e os menores de 16 anos deberán ir acompañados por un adulto.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close