ConcellosÚltima hora

A XL Feira do Viño do Amandi suspéndese “de xeito provisional” ante o coronavirus

O Concello de Sober "buscará unha nova data en consenso cos adegueiros, unha vez que a situación mellore"

 

A través dun bando, o Concello de Sober vén de anunciar, entre outras medidas, a “cancelación de todas as actividades lúdicas, culturais e deportivas, aínda que se manterán abertas as instalacións para calquera urxencia que poida xurdir”. Tamén se comunica que se suspende de xeito provisional a “XL Feira do Viño de Amandi, prevista para o 18 e 19 de abril, á que se lle buscará unha nova data en consenso cos adegueiros unha vez a situación mellore”.

Ademais suspéndese “a presentación do Mes do Amandi prevista para o sábado 21 de marzo e as actividades previstas para ese mes”, sinala o alcalde, Luis Fernández Guitián.

Na Oficina de Turismo recoméndase a consulta telefónica e a “comunicación preferemte coas oficinas do Concello por medios telefónicos ou telemáticos limitando ao estritamente imprescindible a atención persoal para minimizar o risco de cidadáns e traballadores”, tal e como indica o rexedor.

E recoméndase “non asistir a eventos nos que poida haber aglomeracións de xente, como feiras, mercados ou outro tipo de actos que poidan preverse multitudinarios”.

O bando indica ademais que o “Concello de Sober articula estas medidas por coherencia e responsabilidade e tendo en conta as recomendacións e as medidas tomadas desde o Goberno do Estado e desde a Xunta de Galicia”.

 

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close