O domingo 30 de xaneiro será un día completo para os xogadores da base do volei galego, coas xornadas de tecnificación nas localidades de Quiroga e Bertamiráns organizadas pola Federación Galega de Voleibol.
A xornada de supervisión e control infantil e cadete, que volve a Quiroga (Lugo), estará limitada a 30 xogadoras por quenda (por orden de inscrición) debido á limitación de horarios e persoas na instalación (no caso da categoría infantil feminino xa está o aforo completo). Os horarios serán os seguintes, incluíndo comida na inscrición:
- Infantil feminino: de 9 a 10:45 e de 14:15 a 16 horas.
- Cadete feminino: de 10:45 a 12:30 e de 16 a 17:45 horas.
- Infantil masculino e cadete masculino: de 12:30 a 14:15 e de 17:45 a 19:30 horas.
A xornada de desenvolvemento e formación será o mesmo domingo 30 de xaneiro en Bertamiráns (A Coruña).
