ConcellosÚltima hora

A Xunta destinará 212.293 euros á posta en valor do Camiño de Inverno ao seu paso por Quiroga

O alcalde de Quiroga, Julio Álvarez, xunto a un dos fitos do Camiño de Inverno en Quiroga./ Foto cedida.

 

A Consellería de Cultura ten previsto investir 212.293,27 € na posta en valor do Camiño de Inverno ao seu paso polo Concello de Quiroga. Así llo confirmaba o conselleiro de Cultura e Turismo, Román Rodríguez ao alcalde quirogués, Julio Álvarez, nunha xuntanza que mantiña cos representantes dos 14 concellos polos que pasa este Camiño, tal e como informa o Concello de Quiroga.

Con este investimento realizaranse melloras na sinalización, unificando todos os tipos de sinais e de rehabilitación naqueles tramos que o precisen. O maior investimento será no apartado de rehabilitación no que se levarán a cabo desbroces e limpezas, colocación de pavimento naquelas zonas que o precisen, a base de saburra (zahorra) ou de pedras e faranse gabias e pasos de auga.

En canto á mellora da sinalización, colocaranse sinais consistentes en cunchas en paredes naquelas interseccións nas que haxa edificacións, fitos de pedra como os existentes nos que se sinala o punto quilométrico, nos lugares declarados BIC colocarase un sinal especial (peza de bronce), nas zonas urbanas poranse sinais verticais e un panel informativo na entrada do concello (na zona de San Martiño).

Na mañá deste luns 2 de marzo o alcalde de Quiroga, Julio Álvarez, achegábase xunto cun enxeñeiro municipal, a percorrer parte do trazado desta ruta xacobea dentro do municipio quirogués para comprobar a situación do trazado e como quedaría este proxecto da Xunta de Galicia, que nestes momentos se atopa no período de alegacións.

Tras a visita o rexedor local amosouse moi satisfeito e valorou moi positivamente estes investimento que vai levar a cabo a Consellería de Cultura no trazado quirogués, o maior de todos, xa que son 36 km dos 185 km que ten o Camiño de Inverno.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close