En portadaÚltima hora

A Xunta envíalle ao Concello do Barco o proxecto de humanización da avenida do Bierzo

O principal o obxectivo é a mellora de seguridade viaria desta avenida que coincide coa estrada autonómica OU-622

 

Unha das beirrarúas actuais no inicio da avenida do Bierzo no Barco.

 

Dende a Consellería de Infraestruturas e Mobilidade vén de remitirse ao Concello do Barco de Valdeorras o proxecto de construción para a humanización da Avenida do Bierzo, segundo se informa dende este departamento galego. Esta actuación, cun orzamento de máis de 780.000 euros, conta cun prazo de execución duns 8 meses.

O principal obxectivo dos traballos é a mellora de seguridade viaria desta avenida que coincide coa estrada autonómica OU-622, no treito comprendido entre os puntos quilométricos 0 e o 0+655. O proxecto recolle as obras necesarias para a renovación desta avenida, ao seu paso polo núcleo urbano do Barco de Valdeorras, en especial no que respecta á mellora da accesibilidade e das infraestruturas na zona.

A intervención inclúe unha mellora da accesibilidade nas pontes existentes no inicio da OU-622, salvando a vía ferroviaria e o río Cigüeño. No punto quilométrico 0+220 realizarase un cambio de sentido e elevarase o paso de peóns situado diante do colexio, no punto 0+380.

Tamén se incrementará a anchura das dúas beirarrúas e se rehabilitará e mellorará a capa de firme do tramo obxecto das actuacións. Ademais inclúense a disposición dunha rede separativa de saneamento e a renovación dos sumidoiros e a súa conexión cos colectores proxectados.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close