O presidente da Xunta, Alberto Núñez Feijóo, comunicou hoxe na rolda de prensa do Consello a decisión de outorgar a Medalla de Ouro de Galicia 2020 aos santarios implicados na atención aos pacientes Covid-19.
“Como non podía ser doutro xeito, queremos honrar a todas as persoas que nos coidaron e a todos aqueles que non escatimaron esforzos, poñendo moitas veces en risco as súas vidas para coidar aos afectados por unha pandemia que acabou con centenares de vidas en Galicia e que cambiou as nosas vidas para moito tempo”, explicou Núñez Feijóo.
