O encontro celebrarase este sábado 2 de febreiro a partir das 18:30h.
O son dos bombos e das aixadas volverán soar este ano polas rúas do Bolo. O Entroido 2019 arrancará oficialmente este sábado 2 febreiro coa xuntanza de folións organizada polos anfitrións na que participarán Os Arrieiros de Petín, Os Viticultores de Vilamartín e o Folión da Veiga, ademais do Folión Terras do Bolo, entre outros pendentes de confirmación.
Sairán ás 18:30h. dende a praza do Castelo ata a zona do colexio (zona de avituallamento e sorteos), rematando a tarde no pavillón con petiscos e unha chocolatada.