En portadaÚltima hora

A XXI Feira do Viño de Valdeorras, do 14 ao 15 de xullo en Viloira

A mostra complementarase con concertos, exaltación da gastronomía autóctona e actividades lúdicas para públicos de todas as idades
Público na pasada edición da Feira do Viño de Valdeorras, na praza de Viloira (O Barco)./ Foto: Carlos G. Hervella.

Mantendo a liña de anteriores edicións, a XXI Feira do Viño de Valdeorras desenvolverase na fin de semana do 14 e 15 de xullo na praza de Viloira (O Barco). Así se acordaba no pleno que o consello regulador valdeorrés celebraba no mediodía do 14 de xuño.

Este foro contará con diferentes actividades paralelas “que convertirán á comarca de Valdeorras no epicentro festivo e de lecer da provincia de Ourense durante dous días”, tal e como salientaba o presidente do CRDO Valdeorras, José Luis García Pando, quen ademais indicía no “excepcional escaparate” que supón este certame para os viños desta zona ourensá.

O horario de apertura do recinto feiral nas dúas xornadas será de 12:30h. a 14:30h. pola mañá e de 19h. a 23h., pola tarde. A mostra complementarase con concertos, exaltación da gastronomía autóctona e actividades lúdicas para públicos de todas as idades, que darán a coñecer nas vindeiras semanas.

Ademais, a feira terá como limiar a XIX Cata Oficial da Feira do Viño de Valdeorras, que se desenvolverá nas instalacións do Consello Regulador. Estará aberta á participación de todas as adegas presentes na XXI Feira do Viño. As súas bases resultaban tamén aprobadas na sesión plenaria do 14 de xuño.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close