A través das redes sociais vén de dar a coñecer o seu cartel promocional a XXXIX Feira do Viño de Quiroga, que se celebrará na fin de semana do 24 e 25 de xullo. Nova imaxe para un certame que se abre, por primeira vez ás adegas da Denominación de Orixe Ribeira Sacra, mantendo tamén o viño tradicional que ata o de agora era o seu protagonista. Este aspecto destacáse neste novo cartel.
Outra das novidades desta mostra vitivinícola será o seu cambio de ubicación, xa que nesta edición terá lugar na praza do Auditorio Municipal, por vez primeira.
