ABANCA reúnese con empresarios de Valdeorras

A entidade celebrará máis de 70 reunións con pemes e autónomos para explicar o seu plan de apoio ao tecido produtivo
Representantes de ABANCA na reunión celebrada no Barco. /Foto: Mónica G. Bellver.

Representantes de ABANCA na reunión celebrada no Barco. /Foto: Mónica G. Bellver.

No Barco de Valdeorras abría ABANCA a iniciativa “Ao teu carón antes que ninguén”, coa que pretende explicar de primeira man ás pemes e autónomos galegos o seu plan global de apoio ao tecido empresarial da comunidade.

Na tarde do 22 de outubro, representantes da entidade bancaría (a xefa de zona, Mª José López; a xestora de pemes, Diana Corzo; e o director da oficina do Barco, José Vicente Garcia), reuníanse con empresarios valdeorreses para explicarlles a transformación acometida pola entidade na súa nova etapa e a súa aposta decidida por apoiar o tecido produtivo a través do impulso do crédito.

Na reunión tamén detallaron os grandes eixos do plan global de apoio á empresa, así como as novas accións e liñas de crédito abertas pola entidade para dar resposta ás necesidades de pemes e autónomos. Entre as últimas accións dirixidas ao tecido produtivo destacan o Plan Activamos e o Plan de Dinamización do Comercio galego.

Para o Plan Activamos, ABANCA comprometeu 202 millóns de euros en crédito a familias, pemes, autónomos e corporacións locais. No caso das empresas, este plan oferta financiamento nas mellores condicións do mercado para a posta en marcha de novos negocios, novas contratacións nos xa existentes, novos investimentos empresariais e a realización de actuacións que contribúan a mellorar a eficiencia enerxética das empresas galegas.

A iniciativa de ABANCA contempla a celebración de máis de 70 encontros informativos nas principais comarcas e localidades galegas durante os próximos dous meses cos que prevé chegar a través a máis de 4.000 empresarios galegos.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies