Abertal e Aires del Cabrera amenizarán Os Maios no Barco

A tradicional festa da primavera celebrarase o 1 de maio na praza do Príncipe

A festa dos Maios o ano pasado na praza do Príncipe do Barco./ Foto: Ángeles Rodríguez.

Como cada ano a festa dos Maios rendirá culto á primavera no Barco de Valdeorras. Así, o mércores día 1 de maio na praza do Príncipe volverán soar as coplas, a música e o baile tradicional, e o teatro infantil entre postos de produtos artesanais nun ambiente de festa onde os maios, elaborados por centros escolares e asociacións, son os protagonistas.

O programa comezará a partir das 11:30h. coa apertura da mostra de produtos de alimentación e artesanía así como a presentación dos maios, enxebres e artísticos, que participarán no concurso. Para iso deberán inscribirse antes das 12 horas do 30 de abril nas oficinas de AEVA na praza do Concello.

Para as 12:30h. están previstas as actuacións de música e baile tradicional. Polo escenario da praza do Príncipe pasarán os grupos Abertal da Rúa, con música, pandeireteiras e baile, e o grupo Aires del Cabrera de Pombriego que actuará no Barco por primeira vez, ofrecendo unha mostra do rico folclore da veciña comarca leonesa. Ás 13:30h. será o momento de cantar as coplas.

E xa pola tarde, a partir das 17:30h. terá lugar a representación de teatro guiñol que ofrecerá Mircromina Títeres baixo o título de Vacacións no mar. A fin de festa está prevista pasadas as 19:30h. cando se darán a coñecer os premios.

O evento está organizada polo Concello do Barco de Valdeorras e polo Centro Comercial Aberto.

 

Cartel dos Maios 2019.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies