A Concellería de Xuventude de Ourense abre o prazo de inscrición para as actividades do Ourense Xove para o último trimestre do ano. A oferta está enfocada a mozos e mozas maiores de 15 anos e apuntarse é gratuíto. 25 propostas finais, seleccionadas dun total de 70 presentadas, onde os rapaces poden elixir as que prefiran. O departamento municipal busca con esta iniciativa estimular e favorecer a participación social dos rapaces a través de actuacións educativas e lúdicas. A maior parte das actividades levaranse a cabo no Espazo Lusquiños da Mocidade e desenvolveranse durante as fins de semana en horario de mañá e de tarde.
Para anotarse, os interesados deben facelo canto antes, pois a admisión será por orde de entrega das solicitudes. A documentación pódese entregar tanto por correo electrónico como na propia Concellería de Xuventude. Máis información nas oficinas do departamento municipal, na praza San Martiño nº2 baixo, nos teléfonos 988 388 154 e 988 318 925 ou a través do enderezo electrónico xuventude@ourense.es.
