CulturaCulturaÚltima hora

Ábrese a convocatoria para participar na sétima edición de Córgomo Arte

Nesta edición esta mostra, que poderá verse en Córgomo (Vilamartín) en decembro, levará por título “Sete” e abordará “a obra de arte desde unha perspectiva máis técnica”

 

Imaxe dunha das pezas que podían verse na pasada edición de Córgomo Arte (Vilamartín)./ Foto: Carlos G. Hervella.

Ata o 25 de novembro deste ano ás 00h. estará aberto o prazo de presentación de propostas para a sétima edición de Córgomo Arte, un proxecto expositivo que nacía na citada localidade vilamartinesa da man dos artistas valdeorreses Manuel Conde e Torino. Neste ano o título da mostra será “Sete”.

Nesta nova convocatoria, aberta a artistas de diferentes disciplinas (pintura, escultura, debuxo, instalación, fotografía, videoinstalación…), abordarase “a obra de arte desde unha perspectiva máis técnica, a xeometría, a proporción, a perspectiva, etc. que se agochan nos fundamentos da creación artística”, segundo a organización do certame.

Cada un dos participantes só poderá presentar na mostra un máximo de dúas obras e no caso de tratarse dunha instalacións, só se admitirá unha, segundo as súas bases. Os creadores interesados poderán enviar unha solicitude ao correo valdegodos@gmail.com cunha breve descrición da obra ou obras, “na que se xustificará ou se establecerá unha relación entre a peza/as e a temática escollida para a presente edición. Deberán constar os datos técnicos da obra (título, técnica, medidas) e adxuntarase unha fotografía da mesma. Asimesmo incluiranse datos persoais e de contacto”.

A selección das obras estará ao cargo do comité organizador do certame que valorará “a calidade da obra e a súa adecuación ao tema escollido para a presente edición. Os artistas seleccionados serán notificados por correo electrónico e a través do seu teléfono de contacto”, segundo as bases do certame.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close