DeportesFútbolFútbol salaÚltima hora

Ábrese a inscrición para as Escolas Deportivas de Fútbol e Fútbol Sala do Concello de Verín

As actividades realizaranse baixo un estrito protocolo de seguridade anticovid

 

A Área de Deportes do Concello de Verín informa que hoxe abre o prazo de inscrición para as disciplinas de Fútbol e Fútbol Sala impartidas nas Escolas Deportivas Municipais do Complexo Deportivo da Granxa.

Coa finalidade de garantir a seguridade dos e as deportistas, a concellería de Deportes de Verín conta cun estrito protocolo de seguridade, baseado no documento oficial da Federación Galega de Fútbol. Deste xeito, todas as actividades contarán coas medidas preventivas fronte á COVID-19 ditadas en cada momento polas autoridades sanitarias.

O prazo de solicitudes estará aberto entre o 16 de agosto e o 1 de setembro. A lista de admitidos confeccionarase por rigorosa orde de presentación das solicitudes. Para a prestación do servizo de cada unha das modalidades deportivas ofertadas será necesario que a porcentaxe de rexistrados na actividade consiga o mínimo pertinente considerado pola organización.

Todas as persoas interesadas en inscribirse nalgunha das disciplinas deberán enviar asinada a documentación que se atopa dispoñible na web oficial do Concello de Verín (www.verin.gal) ao mail das escolas deportivas: efcverin@hotmail.com. No caso de non enviar algún dos documento solicitados, o menor non poderá iniciar a actividade deportiva

Para máis información, ademais de consultar a páxina web municipal, todos os interesados poden chamar ao teléfono 660 776 564.

AS CATEGORIAS POR IDADES SON AS SEGUINTES

• XUVENÍS (NENOS NADOS NO 2003-2004-2005)
• CADETES (NENOS NADOS NO 2006-2007)
• INFANTÍS (NEN@S NADOS NO 20O8-2009)
• ALEVÍNS (NEN@S NADOS NO 2010-2011)
• BENXAMÍNS (NEN@S NADOS NO 2012-2013)
• PREBENXAMÍNS (NEN@S DADOS NO 2014-2015)
• BIBERÓNS (NEN@S NADOS N0 2016-2017)

Artigos relacionados

Back to top button