DeportesGalerías de fotosÚltima hora

Ábrese a tempada de natación artística na piscina Rosario Dueñas de Ourense

Mañá celebrarase a primeira xornada de figuras alevín/ infantil e o campionato de rutinas técnicas júnior

 

Mañá, sábado 23 de novembro, a piscina Rosario Dueñas de Ourense acollerá a primeira competición de natación artística da tempada coa 1ª xornada de figuras alevín/ infantil e o campionato de rutinas ténicas júnior.

Tal como avanzan dende o Club Sincro Ourense, organizador da proba en colaboración coa FEGAN, a este campionato acudirán preto de 150 nadadoras de distintos clubs de Galicia: CN Portamiñá, C Galaico Sincro, C Sincro Pontevedra, RC Náutico Vigo, C Sincro Ferrol, C Coruña e o anfitrión Sincro Ourense.

O evento desenvolverase en dúas sesións: a de figuras pola mañá para as categorías alevín (Perna de Ballet, Barracuda, Kip, Peixe Espada) e infantil (Ariana, Rio, Marzopa Tirabuzón, Seagull); e a de rutinas pola tarde para a categoría júnior (só técnico, dúo técnico e equipo técnico). O Sincro Ourense competirá en todas as modalidades con 29 nadadoras e a competición acabará coa entrega de medallas da modalidade de rutinas júnior.

Este campionato será a antesala do nacional de figuras infantil e rutinas técnicas júnior que se celebrará en Madrid a finais de mes.

Fotos: Sincro Ourense

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close