OurenseÚltima hora

Ábrese a todos os concellos galegos a bolsa de contratación de auxiliares de Policía Local ante a crise do coronavirus

 

Ante a situación de emerxencia sanitaria polo coronavirus a Xunta porá a disposición de todos os concellos galegos a bolsa de contratación de auxiliares de Policía Local da Academia Galega de Seguridade Pública (AGASP). “Ata o momento, só estaba a disposición daqueles concellos que asinaran convenio coa AGASP para a centralización do proceso selectivo de policías locais e auxiliares”, segundo sinala a administración autonómica.

Así, desde este luns e durante un prazo de cinco días hábiles, poderán acceder á bolsa preferentemente os concellos que teñen asinado convenio de colaboración (un total de 74 concellos). En canto remate ese prazo de cinco días, a bolsa abrirase a todos os concellos galegos que así o requiran, teñan asinado convenio ou non, para facilitar a cobertura de prazas no caso de que fose necesario ante a actual situación de crise sanitaria e de Estado de Alarma.

“Ademais de ampliar a listaxe a todos os concellos, tamén se facilitarán ao máximo os trámites. Deste xeito, para poder facer uso desta listaxe, os concellos só terán que dirixir a súa petición directamente á AGASP no enderezo formacion.agasp@xunta.gal, indicando na súa solicitude que cumpre os requisitos esixidos para a contratación e comunicando tamén o número de prazas que solicita e o período da contratación. Cómpre lembrar que os concellos deberán comunicar esta contratación -de facerse efectiva- ao centro de coordinación da Delegación ou subdelegación de Goberno que corresponda”, segundo a información da Xunta.

A bolsa de auxiliares está composta agora mesmo por unhas 130 persoas. De ser necesario ampliar esta listaxe, a Xunta poderá incluír na mesma a todas aquelas persoas que, tendo superado o proceso selectivo para a categoría de policía local, non obtiveran praza no último proceso selectivo convocado.

Suspensión da actividade lectiva na AGASP

Cómpre recordar tamén que o pasado 13 de marzo, e en cumprimento das recomendacións das autoridades sanitarias, a AGASP suspendeu a súa actividade lectiva. Por esta razón, adiantou tamén a parte práctica co curso selectivo da 12ª promoción de policías locais que, polo tanto, foron enviados aos seus concellos de destino para reforzar a atención durante o estado de alarma. Son un total de 134 persoas que se distribuíron en 31 concellos. Chegaron aos concellos o pasado 16 de marzo e permanecerán nos mesmos ata o remate do Estado de Alarma, cando se reanudará a actividade lectiva.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close