Ábrese o prazo de inscrición de carrozas e comparsas para o Entroido 2019 de Verín

Os desfiles serán o domingo 3 de marzo ás 12h. e o martes día 5 ás 16:30h.

O Entroido peta xa na porta e en Verín hai tres datas especialmente sinaladas: o Xoves de Comadres, o Domingo e o Martes de Entroido.

A asistencia á “noite das mulleres” é libre pero para participar nos desfiles é necesario anotarse previamente. Por iso, o Concello de Verín abre o prazo de inscrición para as carrozas e comparsas que desexen asistir este ano, tendo ata o venres 1 de marzo ás 14 horas para facelo. Os interesados poderán achegarse ata a Oficina de Información turística de Verín para facer efectiva as súas proposta (de 10 a 14 e de 16:30 a 20 horas).

Tal como avanzan dende o Concello, a orde e colocación do desfile irá a criterio da organización e será concretada na reunión organizativa que terá lugar o mércores 27 ás 20 horas, na Casa da Cultura.

Os horarios dos desfiles serán ás 12h. o domingo e ás 16:30h. o martes, e as comparsa ou carrozas que participen deberán estar, como mínimo, 30 minutos antes da saída, para que a organización poda colocalos na súa posición e comezar con puntualidade, na Avenida de Castela. Ademais, aquelas carrozas que queiran abandonar o percorrido antes de chegar á praza da Alameda unicamente poderán facelo a través da ponte da n-525, chegando ata a rotonda da Casa do Escudo, se queren dar a volta, e quedándose unicamente no carril dereito agardando a que o desfile remate para ir ao seu destino. “É Importante que deixen sempre un carril libre para os vehículos dos servizos de emerxencia mentres realicen a espera”, puntualizan dende a organización.

Domingo de piñata

Os participantes nos defiles poderán ademais asistir (previo pago) ao xantar que se realiza ese día. As entradas recolleranse no restaurante no que se fará o xantar.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies