OurenseÚltima hora

Ábrese o prazo de matrícula nas escolas infantís da rede autonómica da Galiña Azul

Inclúese por primeira vez o requisito do cumprimento do calendario de vacinación oficial para poder inscribirse

Dende mañá e ata o vindeiro día 5 de abril estará aberto o prazo de inscrición para o curso 2019/20 nas escolas infantís da rede autonómica da Galiña Azul, que poñen a disposición das familias 10.379, 114 máis que no actual curso, segundo a Xunta. Tamén se abre o prazo nas 492 prazas públicas concertadas con centros de titularidade privada. O Diario Oficial de Galicia (DOG)[1] publica hoxe estas tres resolucións, que por primeira vez inclúen como requisito o cumprimento do calendario de vacinación oficial para acceder a un centro público ou praza concertada.

“Ao respecto desta nova exixencia cómpre indicar que as familias contarán con 8 días unha vez confirmada a adxudicación da praza no DOG para presentar no centro correspondente o impreso de matrícula debidamente cuberto e unha copia da cartilla de vacinación da súa filla ou fillo. O obxectivo desta medida, que conta co amparo da lexislación vixente e conta co respaldo da ampla maioría dos profesionais médicos, axudará a garantir a protección da saúde nestes espazos públicos”, segundo se informa dende a Xunta de Galicia.

Así mesmo, recolle a posibilidade de presentar a solicitude fóra do prazo establecido aqueles que residiran fóra de España e retornen a Galicia durante o ano 2019, para facilitarlles o regreso.

As prazas da rede autonómica da Galiña Azul e as contratadas en escolas privadas compleméntase coas prazas que a Xunta financia en escolas de iniciativa social e naquelas que dependen dos concellos.

[1] Enlaces das resolucións:

https://www.xunta.gal/dog/Publicados/2019/20190315/AnuncioG1342-110319-0001_gl.html

https://www.xunta.gal/dog/Publicados/2019/20190315/AnuncioG0379-080319-0001_gl.html

https://www.xunta.gal/dog/Publicados/2019/20190315/AnuncioG0425-080319-0002_gl.html

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close