Ata tres camións se vían implicados no accidente de tráfico que se producía ás 15:30h. do 12 de novembro no municipio de Viana do Bolo. En concreto tiña lugar na estrada OU-533, no punto quilométrico 4,500. Ata alí desprazábanse diversos efectivos, entre eles o Grupo de Emerxencias Supramunicipal (GES) da Gudiña, a Garda Civil de Tráfico e o 061.
Os tres vehículos involucrados transportaban abono, area e cemento. Boa parte da carga do camión que levaba o abono, quedaba esparexida pola estrada. Ademais un dos tres camións do sinistro volcaba sobre o seu lateral ocupando todo o ancho da calzada, impedindo así o paso en ambos sentidos.
Ante esta situación, dase paso alternativo ao tráfico pola estrada local OUP-0000, que vai dende A Gudiña-Vilariño de Conso-Viana do Bolo, segundo se informa dende a oficina de comunicación da Garda Civil de Tráfico en Ourense. Estes desvíos están sinalizados.
