Arredor das 12h. deste luns 8 de novembro producíase un accidente de tráfico na estrada N-120, en Neiras, no concello lucense de Sober.
Era un particular quen alertaba ao 112 Galicia do suceso. “Ademais de indicar que un dos coches estaba envorcado, aseguraba que o condutor precisaba asistencia sanitaria pero que non eran precisos os medios de excarceración, posto que, a persoa atopábase fora do vehículo. Finalmente, dúas persoas necesitaron asistencia sanitaria”, tal e como informa o 112 Galicia, que avisou decontado ao Servizo de Urxencias Sanitarias de Galicia-061, á Garda Civil de Tráfico, aos Bombeiros de Monforte e aos efectivos de Protección Civil da localidade.
Os servizos sanitarios evacuaron ás persoas, que foron trasladadas ao Hospital de Monforte, citando os datos do 112 Galicia.