Rozando as seis desta tarde de sábado 24 de novembro producíase un accidente de tráfico no mesmo casco urbano de Trives. Dous coches chocaban nas proximidades da gasolineira da vila. Como resultado do sinistro, resultaba ferida unha persoa que foi trasladada rapidamente ao PAC de Trives, segundo as primeiras informacións.
Ata o lugar do sinistro desprazábanse de inmediato diversos efectivos de emerxencias, entre eles dúas ambulancias do 061.
