Rozando ás 12:30h. deste sábado 17 de xullo tiña un accidente de tráfico na estrada N-120 ao seu paso polo municipio de Vilamartín, segundo informa o 112 Galicia. Producíase un choque entre dous vehículos moi preto da entrada á vila de Vilamartín, cun resultado de tres feridos.
Ata o lugar do sinistro trasladábanse de inmediato Urxencias Sanitarias-061, os Bombeiros do GES Valdeorras, a Garda Civil de Tráfico e o servizo de mantemento de estradas. Os feridos eran trasladados ao hospital para recibir atención sanitaria.
