Ao fío das 14:40h. da tarde deste luns 11 de outubro producíase un accidente de tráfico cun ferido no Barco, segundo informaba o 112 Galicia. O suceso tiña lugar nas proximidades da zona Chao, na mesma vila do Barco, en dirección a Vilanova. Nel víanse involucrados un coche e unha moto.
Ata o lugar desprazábanse de inmediato a Policía Local, o persoal de Urxencias Sanitarias de Galicia, os bombeiros do Grupo de Emerxencias Supramunicipal (GES) Valdeorras, os bombeiros do parque comarcal e a Garda Civil. O condutor da moto, que resultaba ferido, era traslado en ambulancia ao Hospital Público de Valdeorras.
