Rozando ás oito da tarde deste 19 de agosto producíase un accidente de tráfico na estrada N-120, no acceso ao Barco vindo dende Ponferrada, á altura de Vilanova.
No sinistro víanse involucrados unha furgoneta e un todoterreo. Ata o lugar do accidente desprazábanse de inmediato o GES Valdeorras (que procedía á limpeza da estrada), o 061 Urxencias Sanitarias, a Garda Civil de Tráfico e a Policía Local do Barco.
Segundo as primeiras informacións, como consecuencia do accidente resultaba ferida unha persoa, que foi trasladada para recibir atención nun centro sanitario.
