Unha persoa resultaba ferida como consecuencia dun accidente de tráfico que se producía na tarde do 30 de agosto no quilómetro 3 da OU-0703 en Trives. O vehículo saíase da vía. Era a persoa que conducía ese coche a que avisaba ao 112 Galicia do sucedido ás 16:20 horas “para indicar que a súa acompañante golpeara a cabeza contra o parabrisas do vehículo. Engadiu que o coche estaba a invadir parte da calzada”, tal e como informa o 112 Galicia.
Dende o CIAE do 112 Galicia alertábase ao 061-Urxencias Sanitarias e ao GES de Castro Caldelas. Tamén se informou a Protección Civil e á Garda Civil de Tráfico. “Despois de ser atendida no punto polos efectivos sanitarios, a muller ferida solicitou recibir a alta voluntaria”, segundo informa o 112 Galicia.