Pasadas ás 19:30h. deste domingo 16 de agosto producíase un accidente de tráfico na estrada OU-121, en dirección a Santigoso (O Barco), a apenas 2 quilómetros tras saír de Viloira. No sinistro víanse implicados un turismo e unha moto.
Ata o lugar do accidente desprazábanse de inmediato a Policía Local do Barco, o GES Valdeorras, o 061 Urxencias Sanitarias, a Garda Civil de Tráfico e os Bomberos do parque comarcal.
Segundo as primeiras informacións, as dúas persoas que ían na moto resultaban feridas e trasladadas a un centro sanitario.
Recoméndase circular con precaución pola citada estrada.