ConcellosÚltima hora

Achegándose á aguia real, en Rubiá

A Casa da Cultura deste concello valdeorrés acollía na tarde do 23 de febreiro a xornada “A aguia real en Galicia. Bioloxía, situación e conservación”
Un dos ponentes desta xornada informativa celebrada en Rubiá.

A pesar do seu tamaño non é nada doado velas. “As aguias reais son moi desconfiadas, por iso non resulta fácil a súa observación”, aseguraba un dos ponentes da xornada informativa “A aguia real en Galicia. Bioloxía, situación e conservación”, que se desenvolvía na tarde do 23 de febreiro na Casa da Cultura de Rubiá.

No da súa exposición destacaban as características desta ave: a súa gran agudeza visual, as súas poutas poderosas para capturar as presas, o seu voo… Tamén se explicaba a súa forma vida, xa que poden chegar a vivir en liberdade ata 38 anos, o seu tipo de alimentación e a forma de cazar.

A aguia real (Aquila chrysaetos L.) atópase incluída no Catálogo galego de especies ameazadas dentro da categoría en perigo de extinción e tamén figura no anexo I da directiva europea relativa á conservación das aves silvestres (a chamada Directiva Aves). Por este motivo, é obxecto de medidas de conservación especiais en canto ao seu hábitat, co fin de asegurar a súa supervivencia e a súa reprodución na súa área de distribución.

 

Público asistente á xornada.

Esta xornada divulgativa impartida en Rubiá forma parte dunha campaña promovida pola Consellería de Medio Ambiente e que vai dirixida ao público en xeral e ao alumnado de ensino secundario naqueles concellos nos que se localizan algúns dos territorios nos que, tanto de forma histórica como na actualidade, está presente esta especie. A poboación de aguia real no conxunto da comunidade está composta por 13 parellas, segundo os datos do censo realizado en 2016.

Estas xornadas continuarán o 26 de febreiro na Aula Cemit de Quiroga e o 27 nas Casas da Cultura dos Concellos de Cervantes e de Viana do Bolo, respectivamente. A última sesión terá lugar o día 28 en Laza (Ourense).

Fotos: Carlos G. Hervella.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close