PolíticaÚltima hora

Acordo entre socialistas e Son de Trives para un goberno en coalición presidido por Patricia Domínguez

Jorge Vázquez, da Marea trivesa, converterase no segundo tenente de alcalde
Logos do partido socialista e de Son de Trives.

 

O PSdeG-PSOE e Son de Trives veñen de acadar un acordo para un goberno de coalición en A Pobra de Trives. Así o acaban de facer público a través dunha nota de prensa conxunta. Os dous partidos políticos cogobernarán o concello coa socialista Patricia Domínguez Barja como alcaldesa e a presenza de integrantes da Marea trivesa no equipo de goberno, con Jorge Vázquez como segundo tenente de alcalde.

“Tras varias semanas de reunións e boa sintonía”, ambas forzas políticas acadaron un acordo “para dotar ao Concello de Trives e á súa veciñanza dun goberno de progreso”, segundo din no comunicado. Os dous partidos coinciden en que “o sábado será un día histórico para o noso concello no que por primeira vez Trives terá unha muller alcaldesa, sendo tamén a primeira vez que o concello conta cun goberno paritario”.

Tanto o PSdeG-PSOE como Son de Trives levan tempo “traballando para a investidura e para comezar a espertar un concello aletargado”, din. “Será unha tarefa difícil se ben aportaremos toda a nosa capacidade de traballo e ilusión para darlle á nosa veciñanza o futuro que merecen, a través dun goberno de esquerdas que na historia da democracia trivesa non se daba dende o mandato 83-87”, aseguran. O pleno de investidura será este sábado día 15 as 13:30 horas.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close