OurenseÚltima hora

Acto de repulsa contra o crime da Pastoriza na Subdelegación do Goberno en Ourense

Publicidade

 

Ante a Subdelegación do Goberno en Ourense tiña lugar ás 12h. deste 27 de xaneiro unha concentración e un minuto de silencio polo asasinato da veciña da Pastoriza (Lugo), Manuela Iglesias, de 79 anos. No decurso deste acto o Subdelegado do Goberno en Ourense, Emilio González Afonso, fixo un chamamento a toda a sociedade para non baixar a garda e para seguir loitando contra a lacra social que representa a violencia de xénero.

Trala homenaxe, na que participou un nutrido grupo de persoal da Subdelegación, así como diversos mandos policiais e cidadáns anónimos que quixeron sumarse, Emilio González condenou este crime machista perpetrado o sábado na Pastoriza.

O subdelegado manifestou “a repulsa de toda a sociedade ourensá e galega ante este novo crime machista”, que supón a primeira vítima de violencia de xénero no 2020 en Galicia e que incrementa o número de vítimas ata seis no que vai de ano en España. Por iso, fixo fincapé na necesidade “da loita da cidadanía e do fomento dende as institucións dunha convivencia en igualdade e respecto como únicos camiños para poñer fin a esta lacra social”.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close